عامر پینتالیس برس کے ہوگئے

ممبئی: معروف بھارتی اداکارعامر خان آج پینتالیس برس کے ہوگئے۔ عامر خان نے کہا ہے کہ وہ اس سال اپنی سالگرہ نہیں منائیں گے۔عامرچودہ مارچ انیس سو پینسٹھ کوممبئی میں پیدا ہوئے۔عامر نے اپنے کیریئر کا آغاز آٹھ سال کی عمر میں فلم’یادوں کی بارات‘سے بطور چائلڈ اسٹارکے کیامگر ان کو شہرت انیس سو اٹھاسی میں فلم ’قیامت سے قیامت تک‘ میں کام کرنے کے بعد حاصل ہوئی۔عامر نے جلد ہی فلم ’دل ہے کہ مانتا نہیں‘،’جو جیتا وہی سکندر‘،’ہم ہیں راہی پیار کے‘ ،’انداز اپنا اپنا‘اور’رنگیلا ‘میں شاندار کارکردگی کی بدولت خود کو بہترین اداکارمنوالیا۔ عامر نے خود کوصرف اداکاری تک محدود نہیں رہنے دیا بلکہ ہدایتکاری اور فلمسازی کے شعبے میں بھی اپنی کارکردگی کے جوہر دکھائے۔ایوارڈ یافتہ فلم ’تارے زمین پر‘ اور’ جانے تو یا جانے نا‘عامر کی کامیابی کا منہ بولتا ثبوت ہے۔عامر نے بطور اداکار چار ایوارڈ حاصل کئے،بطور پروڈیوسر تین جبکہ بطور ہدایتکار ایک ایوارڈ اپنے نام کیا ہے۔