لاہور: میوزک اکیڈمی کا قیام

لاہور: لاہور میں کلاسیکی موسیقی کی ترویج کے لئے استاد سلامت علی خاں میوزک اکیڈمی کا قیام عمل میں لایا گیا ہے ۔لاہور کے علاقے اچھرہ میں قائم ہونے والی اس کلاسیکل اکیڈمی کا افتتاح شام چوراسی گھرانے کے گائیک استاد شفقت علی خاں نے کیا۔ سلامت علی خاں میوزک اکیڈمی کو خالصتاً قدیم روایتی انداز سے چلایا جائے گا جس میں کلاسیکی موسیقی کے مختلف گھرانوں کے گائیک اپنے فن کا مظاہرہ کریں گے ۔ موسیقی کی ان محافل سے موسیقی کے گھرانوں کے گائیک ایک دوسرے کے اسلوب سے روشناس ہوں گے۔ نامور کلاسیکل گائیکوں کے بعد موسیقی کی ایسی روایتی بیٹھکیں دم توڑ گئی تھیں جن کو اس اکیڈمی کے ذریعے دوبارہ زندہ کیا جا رہا ہے۔ افتتاحی تقربب میں شفقت علیخاں نے کافی خواجہ فرید سنائی ۔اس موقعے پر شفقت علی خاں نے دیگر کلاسیکل گائیکوں رفاقت علی خاں ، نذیر فریدی ، اختر علی خاں اور چاند خاں کے ساتھ مل کر راگ مالکونس کی بندش کا زبردست مظاہرہ کیا۔