لاہور: منی ایچرڈرائنگ کی نمائش

لاہور: لاہور میں جواں سال مصورہ امل پیرزادہ کی منی ایچر ڈرائنگ کی نمائش جاری ہے۔ امل پیرزادہ کی پنسل ڈرائنگ پر مشتمل فن پاروں کی نمائش میوزیم آف پپٹری میں جاری ہے۔ امل کا کہنا ہے کہ آرٹ ورک پر مشتمل یہ ایگزی بیشن ان کے بچپن کے شوق کی تکمیل کی جانب پہلا قدم ہے کیونکہ ڈرائنگ اور مصوری ان کی اوائل عمری کے جنون ہیں جن کو وہ اس نمائش کے ذریعے پروان چڑھانے میں کامیاب رہی ہیں۔ امل پیرزادہ فلم ، ٹی وی اور تھیٹر کے فنکار جوڑے عثمان پیرزادہ اور ثمینہ پیرزادہ کی صاحبزادی ہیں۔ امل کا کہنا ہے کہ انہوں نے اپنے خوابوں کو منی ایچر ڈرائنگ کے ذریعے پیپر پر منتقل کیا ہے۔ وہ کہتی ہیں کہ انہوں نے اپنی پینٹنگز میں لاشعوری طور پر انہی چہروں کو پینٹ کیا ہے جنہوں نے انہیں کہیں نہ کہیں متاثر کیا ہے۔امل پیرزادہ کی منی ایچر پینٹنگز کی نمائش کو دیکھنے کے لئے مصوری کے اساتذہ اور طالب علم میوزیم آف پپٹری میں موجود تھے ، نمائش ایک ہفتہ تک جاری رہے گی۔