لاہور: ہارس اینڈ کیٹل شو کا آغاز

لاہور: وزیراعلیٰ پنجاب شہباز شریف نے جشن بہاراں کے سلسلے میں لاہور ریس کلب میں ہارس اینڈ کیٹل شو کا افتتاح کر دیا۔ پنجاب کے روایتی ہارس اینڈ کیٹل شو کی افتتاحی تقریب کے موقعے پر فضا میں غبارے چھوڑے گئے جبکہ آرمی اور پولیس کے بینڈز نے ملی نغموں کی خوبصورت دھنیں پیش کیں۔ افتتاحی تقریب میں گھڑ دوڑ اور نیزہ بازی کے مقابلوں کے علاوہ ڈھول کی تھاپ پر گھوڑوں کا خوبصورت رقص بھی پیش کیا گیا۔ مختلف اسکولوں کے طلباء نے کلام اقبال اور فنکاروں نے اپنے فن کا مظاہرہ کیا۔ تقریب میں پیش کئے گئے پروگراموں میں شائقین نے گہری دلچسپی کا اظہار کیا۔افتتاحی تقریب میں وزیر جیل خانہ جات چوہدری عبدالغفور، ڈائریکٹر رینجرز پنجاب میجر جنرل محمد یعقوب خان اور اعلی سرکاری افسران بھی موجود تھے۔