لنڈسے کا سوملین ڈالر ہرجانے کا دعویٰ

واشنگٹن : ہالی وڈ اداکارہ لنڈسے لوہن آجکل فلمیں نہ ملنے کے باعث فارغ ہیں لیکن اس کے باوجود وہ کروڑوں ڈالر کماسکتی ہیں کیونکہ انہوں نے ایک معروف بروکریج ہاؤس پر سو ملین ڈالر ہرجانے کا مقدمہ کیا ہے۔مقدمے میں موقف اختیار کیا گیا ہے کہ بروکریج ہاؤس نے ایک اشتہار میں لنڈسے نامی شیر خوار بچی کا استعمال کرکے ان کے حقوق کی خلاف ورزی کی ہے ۔ لنڈسے کے وکیل کا کہنا ہے کہ اشتہار سے یہ بات واضح ہے کہ اس میں ان کی موکل کا حوالہ دے کر غلط استعمال کیا گیا ہے کیونکہ بہت سی معروف شخصیا ت اپنے نام ہی سے جانی جاتی ہیں اور بروکریج ہاؤس نے ان کی موکل کا نام اشتہا ر میں استعمال کیا ہے ۔ مقدمے کے بعد اشتہار بنانے والی کمپنی کی جانب سے اس حوالے سے تردید جاری کی گئی ہے کہ انہوں نے اداکارہ لنڈسے کا نام استعمال کیا ہے ۔