لوگوں میں نمایاں رہنا نہیں چاہتی، میگن

لندن: ہالی وڈ کی خوبرواداکارہ میگن فوکس نے کہا ہے کہ وہ لوگوں میں نمایاں رہنا نہیں چاہتیں۔غیر ملکی خبررساں ادارے کانٹیکٹ میوزک کے مطابق وہ باہر نکلتے ہوئے زیادہ نمایاں کپڑے نہیں پہنتی کیونکہ وہ نہیں چاہتیں کہ لوگ انہیں پہچانیں۔انہوں نے کہا کہ جب کوئی زیادہ خوش نما لباس پہنتا ہے تو وہ لوگوں کی مرکز نگاہ بن جاتا ہے۔ میگن فوکس نے کہا کہ وہ کپڑوں کے معاملے میں گلوکارہ ریہانا کی بہت بڑی فین ہیں۔ان کاکہنا تھا کہ وہ کبھی بھی ریہانا جیسے کپڑے نہیں پہن سکتیں۔انہوں نے کہا کہ وہ ریہانا جیسی بننا چاہتی ہیں مگر ان میں اتنا حوصلہ نہیں ہے۔