سوات :تصاویر کی نمائش

سوات : سوات میں قیام امن کے بعد علاقے کی خوبصورتی اجاگر کرنے کیلئے تین کٹیگریز لوگ اور ثقافت، قدرتی مناظر اور اتحاد کے موضوعات پر تصویری مقابلہ ہوا۔ مقابلے میں سوات کی بیالیس یونین کونسلوں سے سینکڑوں افراد نے حصہ لیا۔ ہر یو سی سے چار تصاویر منتخب کرکے فضا گٹ میں تصویری نمائش کی گئی۔ منتخب تصاویر کی نمائش پشاور اور اسلام آباد میں بھی کی جائے گی۔تصویری مقابلے کی تین کٹیگریز میں لنڈیکس کے اختر ایوب، کوزاباخیل کے بخت محمد اور مینگورہ کے ہارون رشید نے پہلے انعامات حاصل کئے۔ پہلی، دوسری اور تیسری پوزیشن حاصل کرنے والوں کو پچاس، تیس اور بیس ہزار روپے نقد انعامات دئیے گئے۔ نمائش میں شریک ملک کے مختلف علاقوں سے آئے مہمانوں نے اسے احسن اقدام قرار دیا۔سوات میں مکمل قیام امن کے بعد مقامی افراد نے سماجی سرگرمیوں کے انعقاد کو سراہا ہے اور موسیقی اور کھیل کے مقابلے کے ساتھ تصویری نمائش میں بھی بڑھ چڑھ کر حصہ لیا۔اس نمائش کی ہر تصویر میں جس طرح لوگ ہنستے مسکراتے نظر آرہے ہیں، کامیاب فوجی آپریشن کے بعد سوات کے لوگ حقیقی زندگی میں بھی اسی طرح خوش ہیں۔