مومنہ مستحسن کو بال رنگوانا مہنگا پڑگیا

112

راحت فتح علی خان کے ہمراہ ‘آفریں آفریں’ گانا گا کر شہرت کی بلندیوں کو چھونے والی گلوکارہ مومنہ مستحسن کو بال رنگوانا مہنگا پڑگیا۔ اپنی گائیکی کی طرح وہ خود بھی بے حد حسین ہیں تاہم انہوں نے اپنی خوبصورتی کو مزید نکھارنے کے لئے بال رنگوانے کا فیصلہ کیا۔

مومنہ نے اپنے بالوں کو گہرے بھورے رنگ میں رنگوایا جس کی تصویر اور ویڈیو انہوں نے اپنے انسٹاگرام اکاؤنٹ سے شیئر کی۔ تاہم جیسے ہی مومنہ نے نئے لُک میں تصویر اور ویڈیو شیئر کی تو سوشل میڈیا صارفین کی جانب سے ٹرولنگ کا سلسلہ شروع ہوگیا۔    

کسی نے کہا ‘بہت بری لگ رہی ہو، تو کوئی کہنے لگا کوئی نمونہ لگ رہی ہو’۔

ایک لڑکی نے ویڈیو پر کمنٹ کرتے ہوئے لکھا کہ ‘ٹام اینڈ جیری کارٹون کی جادوگرنی لگ رہی ہو’۔

کچھ صارفین ان کی پوسٹ پر دوسروں کو بھی یہ مشورے دیتے نظر آئے کہ کسی کو بھی یہ ٹرائی نہیں کرنا چاہیئے۔

loading...
loading...