ملک بھر میں لوڈشیڈنگ میں اضافہ

اسلام آباد: بجلی کا شارٹ فال تین ہزار پانچ سو میگاواٹ سے تجاوز کر گیا۔ ملک بھر میں لوڈ شیڈنگ کے دورانئے میں غیر اعلانیہ اضافہ کر دیا گیا۔ذرائع کے مطابق ملک میں بجلی کی پیداوار دس ہزار پچہتر میگاواٹ جبکہ طلب تیرہ ہزار چھ سو دس میگاواٹ ہے۔ ہائیڈرل پاوور جنریشن تین ہزار چار سو انہتر میگاواٹ ہے۔ جینکوز سے دو ہزار دو سو اناسی جبکہ آئی پی پیز سے چار ہزار تین سو تیس میگاواٹ بجلی حاصل کی جا رہی ہے۔ ذرائع کا کہنا ہے کہ آبی ذخائر میں پانی کی صورتحال میں بہتری نہ آئی تو ہائیڈرل پاوور جنریشن مزید متاثر ہو سکتی ہے۔