تربیلا ڈیم میں بھی پانی کی سطح ڈیڈ لیول پر

اسلام آباد: منگلا ڈیم کے بعد تربیلا ڈیم میں بھی پانی کی سطح ڈیڈ لیول تک پہنچ گئی۔ دونوں ڈیموں میں قابل استعمال پانی کا ذخیرہ ختم ہو گیا ہے۔ بالائی علاقوں میں موسم خشک ہے جس کے باعث آبی ذخائر میں پانی کی آمد میں بتدریج کم ہو رہی ہے۔ محکمہ موسمیات کے مطابق تربیلا ڈیم میں پانی کی سطح ڈیڈ لیول ایک ہزار سات سو اڑتیس فٹ پر آگئی ہے۔ تربیلا میں پانی کی آمد اکیس ہزار چار سو کیوسک اور اخراج تیس ہزار ایک سو کیوسک ہے۔ منگلا ڈیم میں پہلے ہی پانی کی سطح ڈید لیول پر تھیں ۔ منگلا ڈیم میں پانی کی آمد بیس ہزار سات سو اٹھاون کیوسک اور اخراج اکیس ہزار آٹھ سو چھپن کیوسک ہے۔