او جی ڈی سی ایل کے بانڈز جاری کیے جائینگے، وقار

اسلام آباد: حکومت نے او جی ڈی سی ایل کے تقریبا آٹھ فیصد قابل انتقال بانڈز جاری کرنے پر کام شروع کر دیا۔ یہ بات وزیر نجکاری سینٹر وقار احمد نے میڈیا سے گفتگو میں کہی۔ انہوں نے کہا کہ ملکی اور غیرملکی سرمایہ کار پاکستان کے مختلف شعبوں میں سرمایہ کاری میں دلچسپی رکھتے ہیں۔ انہوں نے کہا کہ اداروں کی کیش ویلیو بڑھا کر ان کی نجکاری کی جائے گی۔ مشترکہ مفادات کونسل پہلے ہی اٹھاون اداروں کی نجکاری کی منظوری دے چکی ہے۔ اس کے علاوہ بے نظیر اسٹاک آپشن کے ذریعے سرکاری ملازمین کو بھی حصص الاٹ کرنے پر کام جاری ہے۔