ٹھٹھہ: ٹماٹر کوڑیوں کے بھاؤ بکنے لگے

ٹھٹھہ: بھارت سے ٹماٹر کی درآمد کے باعث ٹھٹھہ میں ٹماٹر کوڑیوں کے بھاوٴ بکنے لگے، فی کلوگرام قیمت دو روپے ہو گئی۔بہترین فصل ہونے کے باوجود بھارت سے درآمد کے باعث سندھ میں ٹماٹر کی قیمتوں میں نمایاں کمی ہوئی ہے۔ ٹھٹھہ میں فی کلوگرام ٹماٹر کی قیمت دو روپے ہو گئی ہے جس کی وجہ سے کاشتکاروں کو کروڑوں روپے کے نقصان کا سامنا ہے۔ بیوپاریوں کا کہنا ہے کہ قیمتوں میں کمی سے ٹماٹر کا کاروبار ٹھپ ہو گیا ہے۔ ٹھٹھہ سے ٹماٹر صوبے کے علاوہ پشاور برآمد کیا جاتا لیکن قیمتوں میں کمی کے باعث اب اخراجات بھی پورے نہیں ہو رہے۔کاشتکاروں نے حکومت سے مطالبہ کیا ہے کہ بھارت سے ٹماٹر کی درآمد پر پابندی اور سرکاری ریٹ مقرر کئے جائیں تاکہ معیشت میں بہتری آ سکے۔