سوتی دھاگے کی برآمد کی مقررہ حد ختم کرنیکا مطالبہ

اسلام آباد:  چیئرمین ایپٹما نے کہا ہے کہ سوتی دھاگے کی برآمد کے لئے مقررہ حد ختم کی جائے، دس روز میں مطالبہ تسلیم نہ ہوا تو ہڑتال کی جائے گی۔ آل پاکستان ٹیکسٹائل ملز ایسوسی ایشن کے چیئرمین انوار احمد ٹاٹا نے پریس کانفرنس سے خطاب میں مطالبہ کیا کہ حکومت سوتی دھاگے کی کھلی برآمد کی اجازت دے اور برآمد کے لئے مقررہ حد ختم کرے۔ چیئرمین کا کہنا تھا کہ حکومت اگر کسی انڈسٹری کو سبسڈی دینا چاہتی ہے تو خود دے، اسپننگ سیکٹر پر بوجھ ڈالر کر دوسری صنعتوں کو مراعات نہ دی جائیں۔ انہوں نے صدر پاکستان اور وزیراعظم سے اپیل کی کہ اسپننگ سیکٹر کے ساتھ انصاف کیا جائے۔ ان کا کہنا تھا کہ اگر دس روز میں وزارت ٹیکسٹائل نے اقدامات نہ کئے تو تمام ٹیکسٹائل ملز احتجاجا بند کر دی جائیں گی۔