کراچی :انڈسٹریل پارک کاافتتاح

کراچی: نیشنل انڈسٹریل پارکس ڈیولپمنٹ اینڈ منیجمنٹ کمپنی کے چیئرمین نے کورنگی کریک انڈسٹریل پارک کا افتتاح کر دیا۔ انڈسٹریل پارک میں اڑتالیس میگاواٹ کا پاور پلانٹ لگایا جائے گا۔نیشنل انڈسٹریل پارکس ڈیولپمنٹ اینڈ مینجمنٹ کمپنی کے سی ای او زبیر حبیب نے کراچی میں کورنگی کریک انڈسٹریل پارک کا افتتاح کرتے ہوئے کہا کہ، یہ پروجیکٹ سنگ میل کی حیثیت رکھتا ہے جو ملکی ترقی میں اہم کردار ادا کرے گا۔ انہوں نے کہا کہ حکومت کے پاس اتنے وسائل نہیں کہ سب کو روزگار فراہم کر سکے۔ اس لئے ضروری ہے کہ ملک کو فاسٹ ٹریک پر انڈسٹریلائز فیز پر چلایا جائے۔ سی ای او نے کہا کہ اس پروجیکٹ میں ایسی صنعتیں لگائی جائیں گی، جو تحفظ ماحولیات کے تحت کام کریں گی۔ ان کا کہنا تھا کہ اس منصوبے کی تکمیل سے تیس ہزار لوگوں کو روزگار ملے گا۔ انڈسٹریل پارک میں اڑتالیس میگاواٹ کا پاور پلانٹ بھی لگایا جارہا ہے، جو دوہزار بارہ میں مکمل ہو جائے گا۔ پروجیکٹ میں بیس ارب روپے سرمایہ کاری کی جائے گی۔